Rasha na shirin tura dakarunta zuwa Belarus

Manifestation de l'opposition pour protester contre les violencse policières et pour rejeter les résultats de l'élection présidentielle près de la maison du gouvernement sur la place de l'indépendance à Minsk, en Biélorussie, le 14 août 2020.
Manifestation de l'opposition pour protester contre les violencse policières et pour rejeter les résultats de l'élection présidentielle près de la maison du gouvernement sur la place de l'indépendance à Minsk, en Biélorussie, le 14 août 2020. REUTERS/Vasily Fedosenko

Dubun dubatar magoya bayan ‘yan adawa ne suka gudanar da zanga-zangar rashin amincewa da Alexander Loukachenko a matsayin wanda ya yi nasara a zaben da aka yi a kasar Belarus.To sai dai yayin da Tarayyar Turai da Amurka ke ci gaba da nuna goyon bayansu ga ‘yan adawar, a nata bangare Rasha ta ce a shirye take ta tura sojoji domin kare shugaban kasar idan bukatar hakan ta taso.

Talla

Mutanen da aka bayyana cewa adadinsu ya kai dubu 100 zuwa dubu 200 ne suka fito don gudanar da zanga-zangar a birnin Minsk da sauran sassan na kasar ta Belarus a jiya lahadi, a daidai lokacin da Alexander Loukachenko ke ci ga da bayyana kansa a matsayin wanda ya yi nasara a zaben da aka yi a kasar.

Masu zanga-zangar wadanda mafi yawansu ke sanye da fararen tufafi, sun rika rera wakoki da a ciki suke kira ga shugaba Loukachenkao ya sauka daga karagar mulki, kafin daga bisani su yi cincirindo a dandalin tunawa da wadanda suka kwanta dama a lokacin yakin duniya na biyu da ke tsakiyar birnin Minsk.

To sai dai yayin da ‘yan adawa ke gudanar da zanga-zangar, a nasu bangare magoya bayan shugaban na can suna gudanar da nasu gangami don jaddada goyon bayansu a gare shi.

A jawabi da ya gabatar wa magoya bayansa, shugaba Loukachenko ya sa kafa ya yi fatali da bukatar ‘yan adawar da ke neman a gudanar da sabon zabe, inda ya zargi abokiyar hamayyarsa ta siyasa Svetlana Tikhanovskaia a matsayin wanda ke kare muradun kasashen ketare.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.