Isa ga babban shafi
Amurka

Fitattun mutane na ci gaba da alhinin mutuwar shugabar kotun kolin Amurka

Al'ummar Amurka na ci gaba da alhinin mutuwar Ruth Bader Ginsburg.
Al'ummar Amurka na ci gaba da alhinin mutuwar Ruth Bader Ginsburg. REUTERS/Carlos Barria
Zubin rubutu: Azima Bashir Aminu
Minti 2

Fitattun mutane na ci gaba da mayar da martani kan rasuwar shugabar kotun kolin Amurka, mai shari’a Ruth Bader Ginsburg wadda ta rasu tana da shekaru 87 a duniya.

Talla

Shugaban Faransa Emmanuel Macron ya bayyana marigayiyar Ginsburg a matsayin wadda ta taka gagarumar rawa wajen tabbatar da ‘yancin mata da samun daidaito tare da kare hakkin Bil Adama.

Tsohon shugaban kasar Barack Obama ya bayyana Ginsburg a matsayin wadda ta yi ta gwagwarmayar tabbatar da dorewar dimokiradiya da bin doka da oda a Amurka.

Dan takaran Jam’iyyar Democrat Joe Biden ya bayyana marigayiyar a matsayin tauraruwar Amurka da kuma wani ginshiki wajen tabbatar da gaskiya a bangaren shari’a.

Babban mai shari’a a kotun Koli John Roberts ya ce Amurka ta yi asarar mai shari’ar da ta kafa tarihi.

Yanzu haka daruruwan Amurka cikin hawaye na cigaba da aje firanni a gaban kotun kolin domin nuna alhinin su.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.