Lafiya-Malaria

Malaria ta fara raguwa a Afrika-Rahoto

Yanayin sauro mai haddasa cutar Malaria
Yanayin sauro mai haddasa cutar Malaria AFP

Hukumar Lafiya ta Duniya ta ce shekaru biyu bayan kaddamar da allurar rigakafin cutar zazzabin cizon sauro, ta yi nasarar yi wa yara sama da 650,000 allurar a kasashen Kenya da Ghana da Malawi.

Talla

Rahotan yaki da cutar Malaria na shekarar 2020 da hukumar ta gabatar, ya bayyana raguwar cutar musamman a kasashen Afrika da ake samun masu mutuwa sakamakon cutar.

Rahotan na shekara shekara ya bayyana cewa, an samu asarar rayukan mutane  dubu 411 a shekarar 2018 sakamakon kamuwa da cutar Malaria, yayin da adadin mamatan ya kai  409,000 a shekarar 2019.

Majalisar Dinkin Duniya ta ce kashi 90 na mutanen da suka mutu sakamakon cutar Malaria a Afirka, yara ne wadanda yawansu ya kai 265,000.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.