Najeriya ta soke bikin wasanni na kasa saboda Coronavirus

Shugaban Najeriya Muhammadu Buhari. AFP/Bertrand Guay

Gwamnatin Tarayar Najeriya ta dage bikin wasanni na kasa da aka shirya gudanarwa a jihar Edo a bana sakamakon cutar Coronavirus

Ministan Wasanni da Matasa na kasar, Sunday Dare ya sanar da wannan mataki a wani sako da ya wallafa a shafin Twitter a ranar Talata.

A cewar Ministan, daukar matakin na zuwa bayan ganawarsa da shugaba Muhammadu Buhari game da yaduwar annubar.

Kawo yanzu ba a sanar da ranar gudanar da bikin wasannin ba.