Isa ga babban shafi
Najeriya

Dole masallata su yi rajista kafin yin salla a Najeriya

Wasu masu ibada a Masallaci a Najeriya
Wasu masu ibada a Masallaci a Najeriya premiumtimesng
Zubin rubutu: Abdurrahman Gambo Ahmad
1 min

Dole ne Masallatai da Coci-coci su tanadi kundin yi wa mahalarta ibada rajista kamar yadda gwamnatin tarayyar Najeriya ta gindaya a sharuddan bude wuraren ibada a kasar.

Talla

Shugaban Tsare-Tsaren Kwamitin Shugaban Kasa da ke Yaki da Covid-19, Dr. Sani Aliyu ya bayyana haka a birnin Abuja, yayin da ya gargadi cewa, duk da matakin dage dokar haramcin taruwar a Masallatai da Coci, amma gudanar da  ibada a gida ta fi tsaro.

Aliyu ya ce, za a rika amfani da kundin rajistan wajen bibiyar bayanan mahalarta wuraren ibadar, domin akwai yiwuwar yaduwar cutar coronavirus cikin sauki a wuraren ibadar.

Babban jami’in ya bukaci gwamnonin jihohi da su hana duk wurin ibadar da ya ki mutunta ka’idojin da aka gindaya.

Daga cikin sharuddan akwai haramcin taruwar jama’a kafin ko kuma bayan gudanar da ibada da kuma  yawan goge-goge da tsaftace Masallatai da Majami’un.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.