Najeriya-AFDB

Bankin Afrika ya baiwa Najeriya rancen dala miliyan 288

Shugaban Najeriya Muhammadu Buhari da shugaban bankin na AFDB Akinwunmi Adeshina.
Shugaban Najeriya Muhammadu Buhari da shugaban bankin na AFDB Akinwunmi Adeshina. thenewsnigeria

Bankin raya kasashen Afrika na AFDB ya ce ya baiwa Najeriyar rancen dala miliyan 288 a ‘yan tsakanin nan don taimakawa kasar farfadowa daga illar da annobar COVID-19 ta yiwa tattalin arzikinta.

Talla

Gabanin ikirarin bankin na AFDB ko a watan jiya ministar tattalin arzikin Najeriyar ta bayyana yiwuwar tattalin arzikin kasar ya fuskanci koma baya da kashi 9 sanadiyyar annobar ta COVID-19 da ta tilasta kulle muhimman sassan kasuwanci da tattalin arziki baya ga farashin danyen man fetur da ya fadi a kasuwar duniya.

Ko cikin watan Afrilu Najeriyar mafi karfin tattalin arziki a Nahiyar Afrika sai da ta karbi makamancin lamunin farfado da tattalin arzikin daga asusun bada lamuni na duniya IMF da yawansa ya kai dala biliyan 3 miliyan dari 4.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.