Mun baiwa Najeriya tallafin dala miliyan 41 don yakar coronavirus - Amurka

Gwamnatin Amurka ta sanar da baiwa Najeriya jumillar tallafin kudin da ya kai dala miliyan 41 da kusan rabi, kwatankwacin Naira biliyan 16, domin yakar annobar coronavirus.

Shugaban Amurka Donald Trump yayin taron manema labarai da takwaransa ba Najeriya Muhammadu Buhari a fadar White House. 30/4/2018 AP Photo/Evan Vucci

Cikin sanarwar da ta fitar a karshen mako, Amurkan ta ce tallafin kudin na baya Bayan nan, cigaba ne kan na sama da dala biliyan 8 da miliyan 100 da ta baiwa Najeriya cikin sama da shekaru 20, ciki har da tallafin sama da dala biliyan 5 da miliyan 200 ga fannin lafiyar kasar.

Yanzu haka dai jumillar mutane dubu 27 da 564, suka kamu da cutar coronavirus a Najeriya, dubu 11 da 69 sun warke daga cutar, yayinda 628 suka mutu.