Isa ga babban shafi
Najeriya-Birtaniya

An hana Turawan Birtaniya tafiya arewacin Najeriya

Firaministan Birtaniya Boris Johnson
Firaministan Birtaniya Boris Johnson Jeremy Selwyn / POOL / AFP
Zubin rubutu: Abdurrahman Gambo Ahmad
Minti 2

Gwamnatin Birtaniya ta shawarci al’ummarta da ke zaune a Najeriya da ta kaurace wa tafiye-tafiye zuwa wasu jihohin arewaci da kudancin kasar saboda tabarbarewar matsalar tsaro.

Talla

Jihohin sun hada da Borno da Yobe da Adamawa da Gombe da Kaduna da Kano da Bauchi da Niger da Jigawa da Katsina da Zamfara da Kogi da Abia da kuma Rivers.

Sauran jihohin sun hada da Delta da Bayelsa da Akwa Ibom da kuma Cross River.

Sanarwar da Birtaniya ta fitar a shafin ofishinta mai kula da lamurran kasashen ketare ta ce, matsalar tsaro ce ta tilasta daukar matakin wucen gadi na janye wani adadi na ma’aikatanta da ke Ofishin Jakadancinta na Abuja da kuma karamin Ofishin Jakadancinta da ke birnin Lagos.

Kodayake ofisoshin biyu na ci gaba da gudanar da muhimman ayyuka da suka hada da taimaka wa Turawan Birtaniya da ke zaune a Najeriya.

A bangare guda, Birtaniyar ta ce, kungiyoyin ‘yan ta’adda masu nasaba da Al Qaeda na gudanar da aikinsu a jihar Kaduna kamar yadda ta samu rahotanni a cewarta.

Jihohin arewacin Najeriya musamman Borno da Yobe na fama da rikicin Boko Haram, yayin da 'yan bindiga suka addabi Zamfara da Katsina da kuma Kaduna.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.