Isa ga babban shafi
#EndSars

Bazamu baiwa masu neman durkusar da Najeriya dama ba - Buratai

Shugaban hafsan sojin kasar Najeriya Janar Yusuf Tukur Buratai.
Shugaban hafsan sojin kasar Najeriya Janar Yusuf Tukur Buratai. AFP PHOTO/STRINGER
Zubin rubutu: Ahmed Abba | Bashir Ibrahim Idris
Minti 2

Shugaban Rundunar Sojin Najeriya, Janar Yusuf Tukur Buratai ya yi zargin cewar akwai mutanen dake neman durkusar da kasar amma sojin ba zasu basu dama ba.

Talla

Yayin ganawa da manyan hafsoshin sa da suka hada da kwamandodin dake kula da rundinoni daban daban, Janar Buratai yace ba zasu lamincewa rashin biyayay daga kowanne jami’in sojin ba, inda ya bukace su da su shaidawa rundunonin su muhimmancin kare demokiradiya da kuma cigaban kasa.

Sanarwar da rundunar sojin ta gabatar mai dauke da sanya hannun Daraktan yada labarai Kanar Sagir Musa tace sojojin na kan bakar su cewar mulkin dimokiradiya shine mafi inganci saboda haka ya zama wajibi su kare shi.

Sanarwar ta ruwaito Janar Buratai na cewar irin abubuwan da suka faru a cikin ‘yan kwanakin nan sun tabbatar da cewar wasu bata gari na neman wargaza Najeriya ta kowanne hali.

Shugaban rundunar sojin yace tun farko sun fahimci cewar zanga zangar yaki da cin zarafin Yan sanda wani yunkuri na shafawa sojin kashin kaji da kuma bata sunan su da na gwamnati, domin tinzira jama’a su musu bore.

Janar Buratai yace wadannan bata garin tare da masu goyan bayan su a gida da waje sun kisa batawa sojin suna wajen kokarin sun a tabbatar da bin dokar hana fita da hukumomin Lagos suka saka da wasu jihohi, yanzu kuma sun koma suna zargin sojoji kan ayyukan da bata gari keyi duk da shaidun da suak bayyana karara.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.