Najeriya

Asirin 'yan gudun hijarar bogi ya tonu a Maiduguri

Gwamnan jihar Barno dake Najeriya Babagana Umara Zulum
Gwamnan jihar Barno dake Najeriya Babagana Umara Zulum RFI hausa/Abba

Gwamnan jihar Borno Farfesa Babagana Umaru Zulum ya gano ‘yan gudan hijira na buge 650 a lokacin da ya kai ziyarar bazata wani sansanin 'yan gudun hijirar da ke birnin Maiduguri.

Talla

Ziyar gwamna Zulum sansanin dake Kwalejin gwamnati na nazarin Shari’ar Musulunci na Mohammed Goni da ke Maiduguri babban birnin jihar, na zuwa ne bayan korafe-korafe na cewa dubban mazauna garin na ikirarin zama ‘yan gudun hijara a sansanin.

Sanarwar da mai taimakawa gwamna Zulum kan kafofin sada zumuntar yanar gizo Abdurrahman Ahmed Bundi ya wallafa a shafukansa, ta bayyana cewa 'yan gudun hijirar na bogi na wuni a sansanin lokacin da ake raba abinci, kuma su arce gidajesu cikin dare.

Ziyarar Bazata 

Wannan ne yasa gwamna Babagana Zulum ya kai ziyarar bazata tsakar dare a ranar Lahadi, zuwa Kwalejin Mohammed Goni, inda ake kula da ‘yan gudun hijirar da suka tsarewa rikicin Boko Haram daga karamar hukumar Abadam da ke arewacin Borno  suka yada zango.

Gwamnan jihar Barno Babagana Umara Zulum yayin ziyarar bazata sansanin gudun hijara a Maiduguri
Gwamnan jihar Barno Babagana Umara Zulum yayin ziyarar bazata sansanin gudun hijara a Maiduguri © Govenment House Maiduguri
Sanarwar tace, ‘’shigan Zulum cikin sansanin ke da wuya, sai ya rufe kofar ba shiga ba fita, domin kirga ainihin wadanda suke cikin sansanin’’.

“Aikin wanda ya ƙare da misalin ƙarfe 1 na dare, ya gano cewa a cikin magidanta 1,000 da jami’an agaji sukayi rajistansu amatsayin ‘yan gudun hijira 650 duk na bogi ne.’’

Gwamna Babagana Zulum wanda ya samu rakiyar shugaban Hukumar Agajin Gaggawa ta kasa NEMA, Air Commodore M.T. Abdullahi Kasa, da kwamishinoni biyu (Noma, da Kananan Hukumomi da Masarautu) ya gano ainin ‘yan gudun hijira 450 cikin 1000.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.