Isa ga babban shafi
Nijar

Issoufou Alfaga na Nijar ya lashe gasar Taekwondo ta duniya

Dan Nijar Issoufou Alfaga Abdoulrazak zakaran Taekwondo na duniya
Dan Nijar Issoufou Alfaga Abdoulrazak zakaran Taekwondo na duniya REUTERS/Issei Kato
Zubin rubutu: Awwal Ahmad Janyau
Minti 2

Issoufou Alfaga Abdoulrazak na kasar Nijar ya lashe zinari a gasar Taekwondo ta duniya da aka gudanar a Koriya ta Kudu. Alfaga ya lashe zinarin ne bayan ya doke dan wasan Birtaniya Mahama Cho.

Talla

Alfaga ya samu nasarar ne bayan ya doke dan wasan Mali a zagayen farko, ya doke na Faransa a zagaye na biyu, sannan ya doke dan wasan Brazil a zagayen na uku.

A zagayen dab da na karshe ya doke dan wasan Gabon ne Anthony Aubame, sannan ya zo ya doke Mahama na Birtaniya a wasan karshe.

A bara Alfaga ya lashe wa Nijar azurfa a Taekwando inda ya zo matsayi na biyu a wasannin Olympics da aka gudanar a Brazil.

Shi ne dan wasa na biyu da ya lashewa Nijar kyauta a wasannin Olympics bayan dan dambe Issaka Dabore da ya lashe tagulla a 1972 a Munich.

Yanzu za a zira ido a ga rawar da Alfaga zai taka a wasannin Olympics da za a gudanar a Tokyo a shekarar 2020.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.