Rudd zai kalubalanci Gillard a Australia

Tsohon Fira Ministan kasar Australia Kevin Rudd, ya bayyana aniyar shi ta sake yin takarar mukamin shugabancin jama’iyya mai mulkin kasar, inda zai kalubalanci Julia Gillard mai ci yanzu , a zaben da za a gudanar a ranar Litinin mai zuwa.

Kevin Rudd Tsohon Fira minsitan Australia REUTERS/Yuriko Nakao/Files

Tsohon Shugaban jama’iyyar Labour, wanda Gillard ta kada a zaben da aka yi a shekarar 2010, ya ajiye mukamin shi na ministan harkokin wajen kasar a ranar laraba, don shiryawa zaben.

Yayin da yake Magana a birnin Washigton na kasar Amurka, Mista Rudd yace Julia ta gagara rike amanar da al’ummar Autralia suka danka mata, don haka zai kalubanace ta don dawo da wannan amanar.