Isa ga babban shafi
Sweden

Sweden za ta kori ‘Yan ci-rani

Dubban 'yan gudun hijira ne ke neman mafaka a kasashen Turai.
Dubban 'yan gudun hijira ne ke neman mafaka a kasashen Turai. REUTERS/Alkis Konstantinidis
Zubin rubutu: Awwal Ahmad Janyau
Minti 1

Hukumomin Sweden na shirin korar ‘Yan ci-rani kusan 80,000 wadanda suka shiga kasar a bara kuma ba tare da samun takardun izinin zama a kasar ba.

Talla

Ministan Harkokin cikin gidan kasar Anders Ygeman yace zasu mayar da ‘Yan ci ranin a kasashensu a cikin shekaru masu zuwa.

Ministan yace an umarci ‘yan sanda da sauran jamian tsaro su tsara yadda za a mayar da bakin zuwa kasashensu.

Sama da mutane dubu dari da sittin suka nemi mafaka a Sweden a 2015, amma yanzu kasar ta dauki tsauraran matakai akan iyakokinta domin rage kwararsu.

Sama da ‘Yan ci-rani da Yan gudun hijira miliyan guda suka tsallaka zuwa Turai a bara yawancinsu ‘Yan Syria da Iraqi da Afghanistan da ke kauracewa yaki a kasashensu.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.