Faransa

Kamfanin kera jiragen ruwan STX ya zama mallakin kasa

Daya daya daga cikin jiragen da kamfanin STX na Faransa ya kera
Daya daya daga cikin jiragen da kamfanin STX na Faransa ya kera REUTERS/Stephane Mahe

Faransa za ta mayar da kasaitaccen kamfanin kera jiragen ruwa ya zama mallakin kasar Faransa sakamakon takaddama da ta kaure tsakanin kasar da Italia wadanda ke kula da shi a matsayin hadin-gwiwa.

Talla

Gwamnatin Faransa na bukatar a yi raba-daidai ne tsakaninta da wannan kamfani amma kuma Italia  na nuna hakan ba mai yiwuwa ba ne.

 

Ministan tattalin arziki na Faransa  Bruno Le Maire ne ya sanar da kwace harkokin kamfanin kera jiragen ruwan mallakin wani kamfanin   Fincantieri na Italia, amma matakin zai kasance na dan wani lokaci ne har sai an sasanta.

 

Shi wannan kamfani STX da ke Saint-Nazaire, shi ne ya kera jiragen ruwa masu tarin yawa da suka hada da na yawon shakatawa da kuma na yaki, yana da gwanayen aikin na musamman, wadanda in ji ministan ba zai yiwu wata kasa ta kwace su ba.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.