Isa ga babban shafi
Faransa

An kwashe baki sama da dubu a wani sansani da ke Paris

Aikin kwashe baki daga sansanin «Millénaire», arewacin Paris, laraba, 30 ga watan mayun 2018
Aikin kwashe baki daga sansanin «Millénaire», arewacin Paris, laraba, 30 ga watan mayun 2018 RFI/Simon Rozé
Zubin rubutu: Abdoulkarim Ibrahim
1 Minti

Bakin haure sama da dubu daya ne ‘yan sanda suka yi amfani da karfi domin kwashewa daga wani sansani da ke wajen birnin Paris na Faransa a wannan laraba.

Talla

Tun da sanyin safiya ne aka tura dimbin jami’an tsaro domin kwashe bakin daga wannan sansani, yayin da bayanai ke cewa aikin kwashe ‘yan ci ranin ya gudana a cikin tsanaki.

Tuni aka rarraba mutanen a wasu cibiyoyi na masamman guda 24 da aka bude domin karbar su, yayin da nan take jami’an tsaro suka rusa tantuna da sauran rumfunan da aka kafa a sansanin.

Kantomon mulki a birnin Paris Michel Cadot, ya ce a jimilce mutane 1.016 ne aka kwashe ciki har da yara kanana 11. Wannnan ne karo na 36 da gwamnati ke bai wa jami’an tsaro izinin yin amfani da karfi domin kwashe bakin a cikin shekaru 3.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.