Isa ga babban shafi
Venezuela

Maduro ya fito bainar jama'a karon farko cikin watanni 4

Nicolas Maduro, shuigaban kasar Venezuela, yayin jawabi ga magoya bayansa a birnin Caracas. 2/2/2019.
Nicolas Maduro, shuigaban kasar Venezuela, yayin jawabi ga magoya bayansa a birnin Caracas. 2/2/2019. REUTERS/Manaure Quintero
Zubin rubutu: Nura Ado Suleiman
Minti 1

Shugaban Venezuela Nicolas Maduro ya fito cikin jama’a karon farko a jiya Asabar, tun bayan halartar bikin faretin sojin kasar a shekarar bara, lokacin da yace an yi yunkurin hallaka shi, a harin bam da aka kai a filin faretin.

Talla

Maduro a bayyana ga dubban magoya bayansa ne a birnin Caracas domin bikin tunawa da kafuwar gwamnatin tsohon shugaban kasar ta Venezuela Hugo Chaves.

Rabon da aga shugaba Maduro a bainar Jama’a dai tun ranar 4 ga watan Agustan bara da akai yunkurin halaka shi, wanda kawo yanzu aka kama mutane 30 ciki har da manyan hafsoshin sojin Venezuela 2 da kuma wani mataimakin jagoran ‘yan adawar kasar.

Bayyanar Maduro ta zo dai dai da zanga-zangar da ke gudana a sassan kasar, ta dubban magoya bayan jagoran ‘yan adawa Juan Guaido dake samun goyon bayan kasashen turai, bayan ayyana kansa a matsayin sabon shugaban kasa.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.