Isa ga babban shafi

An dage shari'ar Fillon a Faransa

Tsohon Franministan Faransa François Fillon ya isa kotu ranar Litinin inda ake tuhumar sa da almundahana da dukiyar kasar.
Tsohon Franministan Faransa François Fillon ya isa kotu ranar Litinin inda ake tuhumar sa da almundahana da dukiyar kasar. STEPHANE DE SAKUTIN / AFP
Zubin rubutu: Bashir Ibrahim Idris | Ahmed Abba
Minti 1

Kotu a Faransa ta dage shari’ar da aka shirya farawa tsohon Firaministan kasar Francois Fillon wanda ake tuhuma da laifin almuzzaranci da dukiyar gwamnati wajen biyan matar sa makudan kudade ba tare da aikin komai ba.

Talla

Fillon da uwargidan sa Penelope sun halarci zaman kotun tare da rakiyar Yan Sanda amma kuma sai suka bukaci dage zaman kotun zuwa ranar laraba domin goyan bayan lauyoyin kasar dake yajin aiki.

Masu bincike na zargin Fillon da sanya sunan uwargidan sa a matsayin masu taimaka masa a Majalisa, tsakanin shekarar 1998 zuwa 2013, inda ake biyan ta euro 10,000 ba tare da tayi aikin komai ba.

Bankado wannan labari na daga cikin batutuwan da suka yiwa tsohon Firaministan tarnaki a yunkurin sa na tsayawa takarar shugaban kasa a shekarar 2017.

Fillon yaki amincewa da zargin da ake masa, inda yace uwargidan sa Penelope ta masa aiki a mazabar sa.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.