italiya-Coronavirus

Covid-19: Italiya ta jingine kebe masu shiga kasar daga Turai, Amurka, Isra'ila

Firaministan Italiya,  Mario Draghi.
Firaministan Italiya, Mario Draghi. AP - Riccardo Antimiani

Kasar Italiya a yau Juma’a ta jingine kebewa da binciken kwakwaf da ake yi wa  ‘yan kasashen Kungiyar Turai, da Birtaniya da Isra'ila  don gano  masu dauke da kwayar cutar coronavirus.

Talla

Karkashin sabbin dokokin hana yaduwar cutar corona da ake sa ran a fara aiwatarwa Lahadi mai zuwa, Italiya za ta bar jiragen sama da aka tantance babu mai dauke da kwayar cutar corona daga kasashen  Amurka, Canada, Japan da Daular Larabawa zuwa  Italy ba tare da wani tsangwama ba.

Kazalika za’a daina hana mutane daga kasar Brazil shiga Italiya.

Ministan lafiya na Italiya Roberto  Speranza ya sanya hannu cikin doka da ke  amince wa mutane daga kasashen kungiyar Turai, da Birtaniya da Israilla, masu dauke da katin an yi masu alluran rigakafin cutar, ba za’a rika tursasa musu kebe kansu ba na wani lokaci don gano ko suna dauke da cutar corona.

A cewar PM Italiya Mario Draghi maido da harkan tarbar masu yawon shakatawa na da muhimmancin gaske ga tattalin arzikin kasar, kasancewar tana daya daga cikin kasashen Turai da cutar corona ta yi wa barna sosai.

Annobar corona dai ta ragu ainun a kasar ta Italiya dan tsakanin nan, kuma kasar ta sami alluran rigakafin cutar miliyan 26 da ake yi wa mutan kasar miliyan 60

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.