Faransa - Coronavirus

Gidajen kauyuka sun fara daraja a Faransa saboda korona

Hasumiyyar Eiffel Tower dake birnin Paris na kasar Faransa 20 ga watan Mayu 2021
Hasumiyyar Eiffel Tower dake birnin Paris na kasar Faransa 20 ga watan Mayu 2021 Noémie Coissac / Hans Lucas via - Noémie Coissac

Gidaje a kauyuka sun fara daraja a Faransa sakamakon yadda ‘yan birni ke turuwar saye saboda ta’azzarar annobar Corona, da kuma yadda take kara mamayar mutane musamman a cikin birane. Hukumar kula da kididdiga ce ta bayyana hakan a jiya Alhamis, tana mai cewa tsoron Corona ne ya tilastawa jama’a komawa kauyuka.

Talla

Ta cikin kididdigar da hukumar ta fitar ta ce ya zuwa yanzu mutane kusan dubu dari da goma sha daya da dari 930 ne suka sayi gidaje a kauyuka wadanda kuma daga birane suka koma.

Hukumar ta ce yawan kudaden da aka kashe wajen sayen gidajen sun kai yuro miliyan 23 da rabi.

Kasar Faransa dai na cikin jerin kasashen da suke shan fama da annobar Corona wadda a shekaraniya Talata ta dakatar da jama’a daga Burtaniya shiga kasar ta don kare yaduwar  cutar.

Hukumomin kasar sun ce tun bullar cutar a 2019 mutanen birnin suka fara guduwa zuwa kauyuka don kare kansu daga cutar, amma a bana yafi ta’azzara la’akari da makudan kudaden da jama’a ke kashewa wajen hada-hadar kudaden.

Cinikayyar gidaje na kara habbaka saboda wannan dalili, lamarin da ke taka rawa wajen habbaka tattalin arzikin kasar da ya ke cikin mayuwacin hali saboda annobar Coronan.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.