An dage wasan Real da Vallecano saboda rashin wuta

A jiya Lahadi aka dage fafatawar da za a yi tsakanin club din Real Madrid da kuma Rayo Vallecano bayan wasu dab a asan ko su waye sun bata fitulun filin da za a gudanar da wasan. Shugaban club din Rayo ne , Raul Martin Pres, ya bayyana bacin fitulun a jiya.  

Yadda filin Vallecas ya kasance da duhu bayan an bata fitulun filin wanda Madrid da Rayo za su fafata REUTERS/Susana Vera

A yanzu haka dai za a buga wasan a yau Litinin, a wasan wanda Rayo za ta karbi bakuncin Madrid a filin wasanta da ake kira Estadio de Vallecas.

Pres ya kara da cewa, jami’an tsaro na nan na binciken wadanda da k da hanu a lamarin, inda ya kara da cewa wannan abin day a faru abin kunya ne da kuma takaici.