Barcelona zata sanya tutar Catalonia

Mutanen Yankin Catolonia da Tutarsu suna bikin ranar yankinsu a Spain Reuters

Kungiyar Barcelona ta bayyana cewa zata yi amfani da riga mai kalar tutar yankin Catalonia a wasan da kungiyar zata buga a karshen mako a La liga. Wannan matakin kuma ana ganin zai kara harzuka mutanen yankin da ke neman ballewa daga Spain.

Barcelona tace ta samu tabbaci ne daga hukumar kwallon Spain na neman sauya tufafinta a wasan da zata kara da Bilbao a Nou Camp.

Kungiyar Barcelona tana son karrama yankin ne domin bikin cika shekaru 300 da karbe ikon Barcelona a shekara ta 1714.