Keshi yayi zargin ana mishi zagon kasa a Super Eagles

Mai koyar da kungiyar kwallon kafa ta Nigeria, Stephen Keshi.
Mai koyar da kungiyar kwallon kafa ta Nigeria, Stephen Keshi. cafonline

Mai koyar da ‘yan wasan kungiyar Super Eagles ta Nigeria Stephen Keshi, ya ce zagon kasa da ake mishi ne ya sa ‘yan wasan nashi suka sha kashi a hannun ‘yan kasar Sudan, ranar Asabar da ta gabata, yayin wasan neman shiga gasar cin kofin nahiyar Africa, da aka yi a birnin Khartoum.Keshi yace abinda yake bashi mamaki shine wadannan ‘yan wasan sune yayi amfani dasu wajen neman shiga gasar cin kofin duniya da aka yi a Brazil a cikin wannan shekarar, kuma su suka lashe gasar cin kofin nahiyar Africa da aka yi a Africa ta Kudu.Wannan shine karo na 3 da ‘yan wasan na Nigeria suka sha kashi a jere, lamarin kuma day a jefa fatan kasar na shiga gasar ta cin kofin Africa da za ayi a kasar Morocco, cikin halin rashin tabbas.