Wasanni

Ronaldo ya kafa tarihi a Real Madrid

Dan wasan Real Madrid, Cristiano Ronaldo
Dan wasan Real Madrid, Cristiano Ronaldo REUTERS/Anders Wiklund

Dan wasan Real Madrid Christiano Ronaldo ya kafa tarihi bayan ya zura kwallaye biyu a wasan da suka fafata da Malmo a ranar laraba a gasar cin kofin zakarun turai, lamarin da ya bashi damar kamo Raul a matsayin wanda ya fi ci wa Kungiyar kwallaye a tarihi.

Talla

An jima da zura idanu domin ganin ranar da Ronaldo zai kamo Raul wanda ya ci wa Real Madrid kwallaye 323 a cikin wasannin 741 da ya buga mata tsakanin shekara ta 1994 zuwa shekaraa ta 2010 kuma a yanzu sun yi kunnan doki.

A jumulce dai, Ronaldo ya zura kwallaye 500 cif cif a wasanni 753 da ya yi wa Real Madrid da kuma Kasarsa, Portugal.

Har ila yau, Ronaldo shine wanda ya fi zura kwallaye a gasar cin kofin zakarun turai, inda ya ke da kwallaye 82 yayin da Lionel Messi ke biye da shi da kwallaye 77.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.