Wasanni-Tennis

Gasar Wimbledon: Wawrinka ya fice a zagayen farko

Stan Wawrinka na kasar Switzerland a lokacin da Daniil Medvedev na Rasha ya fitar da shi daga gasar kwallon Tennis ta Wimbledon.
Stan Wawrinka na kasar Switzerland a lokacin da Daniil Medvedev na Rasha ya fitar da shi daga gasar kwallon Tennis ta Wimbledon. REUTERS

Zakaran gasar kwallon Tennis mai rike da kafunan wasannin Grand slam har sau uku, Stan Wawrinka, ya fice daga gasar Wimbledon da ke gudana a birnin London a zagayen farko.

Talla

Wawrinka dan kasar Switzaerland, da ke mataki na uku wajen matakin kwarewa a wasan kwallon Tennis din a duniya, yayi rashin nasara ne a hannun Daniil Medvedev dan kasar Rasha, da kwallaye 6-4, 3-6, 6-4, sai kuma 6-1.

Karo na farko kenan da Medvedev mai shekaru 21 kuma dan wasan kwallon tennis na 49 a duniya, ya ke buga gasar ta Wimbledon.

Ba dai wannan bane karo na farko da ake fitar da shaharrun ‘yan wasan kwallon tennis daga wasanni daban daban da suke bugawa ba.

Ko a ranar 21 ga watan Yuni sai da aka fitar da Andy Murray dan kasar Birtaniya, daga gasar wasan kwallon Tennis ta Aegon da ke Gudana a Birmingham tun a zagayen farko, wanda kuma shi ke rike da kofin gasar.

Kuma wanda ya samu nasarar yin waje da Murray, wato Jordan Thompson dan kasar Australia, yana a matsayi na 90 ne, a matakin kwarewa, tsakanin jerin ‘yan wasan kwallon Tennis a duniya.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.