Isa ga babban shafi
Wasanni-Kwallon kafa

Neymar ba zai buga gasar Copa America ba saboda rauni

Dan wasan Brazil, Neymar
Dan wasan Brazil, Neymar Foto: Reuters
Zubin rubutu: Michael Kuduson
1 Minti

Dan wasan gaba na Brazil, ba zai samu fafatawa a gasar nahiyar Kudancin Amurka ta COPA AMERCA ba sakamakon raunin da ya ji a idon sawu a wasan sada zumunta da Brazil ta kara da Qatar.

Talla

Hukumar kwallon kafar Brazil ta tabbar da wannan labari bayan Neymar ya fice daga filin wasa a daren Laraba yana hawaye.

Wata sanarwar da hukumar ta fitar na cewa : ‘’bayan Neymar ya murgude idon sawun kafarsa a wasan daren Laraba da Qatar, an mai gwaje gwaje kuma an tabbatar da fashewar wata jijiya a idon sawunsa’’.

Tauraron dan wasan na Paris Saint Germaine ya fara wasan ne a gaba tare da Richarlison da Gabriel Jesus, yayin da Brazil ta fara shirye shiryen buga gasar ta Copa America.

Bayan wani dan wasan Qatar ya rafke shi ne ya zame wa shi Neymar dole ya bar filin wasan a minti na 21 da fara wasa.

Ranar 14 ga wannan watan ne Brazil zata kara a wasan farko na gasar da Bolivia.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.