Isa ga babban shafi
Wasanni

Barcelona ta yaudari PSG kan cinikin Neymar - Le Parisien

Dan wasan PSG Neymar Jr.
Dan wasan PSG Neymar Jr. REUTERS/Benoit Tessier
Zubin rubutu: Nura Ado Suleiman
Minti 2

Jaridar Le Parisien dake Faransa ta zargi kungiyar Barcelona da yin karya gami da yaudara, bisa nuna muradin sake kulla yarjejeniyar da tsohon dan wasanta Neymar, wanda PSG ta saya daga Barcelonan a shekarar 2017, kan euro miliyan 222.

Talla

Rahoton da jaridar ta Le Parisien ta wallafa, yace Barcelona ta bayyana aniyar bogi ta maido da tsohon dan wasan nata ne kawai domin dada-dawa kaftin dinta Lionel Messi kafin soma kakar wasa ta bana.

Barcelona ta soma tuntubar PSG kan Neymar ne, bayan da Messi ya bukaci hakan, inda kungiyar ta Barcelona ta yiwa PSG mika mata euro miliyan 100 da kuma dan wasanta Philippe Coutinho, a matsayin musayar Neymar, tayin da bai samu amincewa ba, inda PSG tace tana bukatar akalla tsabar kudi euro miliyan 200 kafin sakin dan wasan mafi tsada a duniyar tamaula.

A gefe guda kuma tuni abokiyar hamayyar Barcelona, Real Madrid ta yiwa PSG tayin biyanta euro miliyan 100 da mika mata ‘yan wasa uku, Varane, Isco, da kuma Marcelo.

A makon gobe ake sa ran Barcelona ta gabatarwa da PSG sabon tayi kan sake sayen Neymar.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.