Wasanni

Tottenham ta kalubalanci jan katin da aka bai wa Son

Lokacin da Son Heung-min na Tottenham ya yi wa Andre Gomes keta a Goodison Park
Lokacin da Son Heung-min na Tottenham ya yi wa Andre Gomes keta a Goodison Park Reuters

Tottenham ta daukaka kara don kalubalantar jan katin da aka bai wa Son Heung-min saboda ketar da ya yi wa Andre Gomes na Everton.

Talla

A ranar Litinin ne aka yi wa Gomes tiyata saboda gocewa da tsagewar kashi a lokaci guda da ya samu a wuyan kafarsa ta dama a yayin wasan da kungiyoyin biyu suka tashi 1-1 a gasar fimiyar Ingila.

Son dai ya shiga cikin dimuwa bayan ya ga irin girman raunin da ya yi wa Gomes a Goodison Park a ranar Lahadi.

Da farko, alkalin wasa ya bai wa Son katin gargadi kafin daga bisani ya sauya zuwa jan kati .

Kocin Tottenham Mauricio Pochettino ya ce, ba da gangan Son ya yi wa Gomes ketar ba, yana mai cewa, ya kamata a yi amfani da na’urar taimakawa alkalin wasa wato VAR domin yanke masa hukunci.

Muddin  Tottenham ta gaza samun nasara a daukaka karar da ta yi, Son ba zai buga wasanni da kungiyarsa za ta yi da Sheffield United da West Ham da Bournemouth ba.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI