Naymar ya kafa sabon tarihi a Brazil

Neymar na Brazil ya antaya kwallaye uku, wato hatrick a Turance a karawar da kasarsa ta doke Peru da ci 4-2 a gasar neman gurbin shiga gasar cin kofin duniya.

Neymar na Brazil Reuters

Yanzu haka Neymar ya kafa tarihin zama dan wasa na biyu da ya fi ci wa Brazil kwallaye a tarihi, inda yake da kwallaye 64, yayin da yake biye da Pele wanda ke da kwallaye 77.

Neymar ya zarta Ronaldo a yanzu, inda ya ba shi ratar kwallaye biyu.

Dan wasan mai taka leda a PSG ta Faransa, ya buga wa Brazil wasanni har guda 103 kawo yanzu.