Wasanni

Manchester United ta sake karbe jagorancin gasar Premier

'Yan wasan Manchester United yayin murnar doke Fulham a gasar Premier Ingila
'Yan wasan Manchester United yayin murnar doke Fulham a gasar Premier Ingila Reuters
Zubin rubutu: Nura Ado Suleiman
Minti 1

Manchester United ta sake karbe jagorancin gasar Premier Ingila bayan da ta doke Fulham har gida da 2-1, yayin fafatawar da suka yi a daren ranar Laraba.

Talla

Kungiyar Fulham ce ta soma jefa kwallo, kafin daga bisani United ta rama ta kuma kara guda ta hannun ‘yan wasanta Edinson Cavani da kuma Paul Pogba.

A yanzu Manchester United ke jagorancin gasar Premier da maki 40, Manchester City da a itama a ranar Laraba ta doke Aston Villa da 2-0 na biye da maki 38 a matsayi na biyu sai kuma Leicester City itama da maki 38 a matsayi na 3, yayin da Liverpool ke da maki 34.

A yau Alhamis ne kuma Liverpool din za ta kara da Burnley.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.