Wasanni

Laporta ya zargi PSG da rikita lissafin Barcelona saboda Messi

Lionel Messi tare da tsohon shugaban Barcelona Joan Laporta, da a yanzu ke neman sake darewa kujerar shugabancin kungiyar.
Lionel Messi tare da tsohon shugaban Barcelona Joan Laporta, da a yanzu ke neman sake darewa kujerar shugabancin kungiyar. AFP

Joan Laporta, dan takarar dake kan gaba tsakanin masu neman darewa kujerar shugabancin Barcelona, ya zargi PSG da haddasawa kungiyar rudani, sakamakon soma tuntubar kaftin dinsu Lionel Messi.

Talla

A makon jiya daraktan wasannin PSG Leonardo ya ce kulla yarjejeniya da manyan ‘yan wasa irinsu Messi shi ne burinsu, yayin da kuma a farkon makon nan, dan wasan tsakiya na kungiyar ta PSG Leandro Paredes yace tuni suka soma tuntubar kaftin din na Barcelona don haka a yanzu wuka da nama na hannunsa.

A karshen kakar wasa ta bana yarjejeniyar Messi da Barcelona za ta kare, bayan kokarin katse ta da dan wasan yayi a shekarar bara, abinda ya janyo kai ruwa rana tsakaninsa da kungiyar.

Tun kakar wasa ta bara ne kuma ake alakanta Messi da komawa PSG ko kuma Manchester City, kungiyar da a waccan lokacin har ta tattauna da maihafin tauraron na dan wasan.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.