Kungiyar Juventus ta fice daga gasar cin kofin zakarun Turai na UEFA

Dan wasan Juventus Cristiano Ronaldo yayin wasar da suka tashi canjaras da Iner Milan kuma suka haye suka haye wasan karshe na kofin Italiya
Dan wasan Juventus Cristiano Ronaldo yayin wasar da suka tashi canjaras da Iner Milan kuma suka haye suka haye wasan karshe na kofin Italiya REUTERS/Massimo Pinca

A jiya  Laraba  an buga wasani tsakanin kungiyoyi na yankin Turai, wanda  bayan haka ,wasu daga cikin kungiyoyi kama da Juventus suka yi bankwana da gasar ga baki daya.

Talla

Duk da kokarin  abokanin tafiyar Christiano Ronaldo a wannan fafatawa da kungiyar FC Porto, Juventus ta yi kasa a gwuiwa kuma indan aka yi tuni ranar  17 ga watan da ya gabata, wato Februrary a karawar farko da ta hada kungiyoyi biyu Fc Porto ta yi nasara da ci 2 da 1 a gida, sai kuma jiya  a yayinda da ta bakuci Juventus ,kungiyar Juventus ta samu nasara da ci 3 da biyu, sai dai hakan bai baiwa kungiyar damar tsallakawa mataki na  gaba, kasancewa ta samu rashin nasara a  yayinda ta bakunci Fc Porto.

Da jimawa dai dan wasan kungiyar Christiano Ronaldo na daga cikin yan wasan dake ci gaba da fuskantar suka ko caccaka  daga magabatan kungiyar ta Juventus dake yi masa kalon mutumin da ya gaza wajen ceto wannan kungiya tun bayan sayo sa daga  Real Madrid.

Yanzu haka kalo ya koma bangaren  magabatan kungiyar da shi dan wasan  don sanar da  matsayar su na ci gaba da  taka leda da wannan  kungiyar  ta Juventus ko raba gari da kungiyar ga baki daya.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.