Cote D'Ivoire ta lallasa Nijar da ci 3 da nema -Kwallon kafa

Yayinda Najeriya ke neman maki daya a wannan tafiya da ta yi jamhuriyar Benin inda za ta faffata da Ecureuils a yau asabar  a birnin Porto Novo ,wanda hakan zai bata damar  tabbatar da  shiga gurbin kasashen da za su taka leda a gasar Cin kofin Afrika karo na 33 a Kamaru a shekara ta 2022, yan wasan Cote D’Ivoire wato les Elephants  da suka ziyarci kungiyar kwallon kafar Nijar ,Meina  a jiya juma’a a birnin Yamai sun lallase yan wasan Nijar da ci 3 da nema. 

Talla

Ci gaban karatu

Serge Aurier, Maxel Gradel da Wilfried  Kanon  ne suka baiwa Cote D’Ivoire wannan nasara.

Morocco  ta samu nata tikitin shiga gurbin kungiyoyin da za su isa Kamaru a shekara ta 2022 bayan da ta yi canzaras da kungiyar kwallon kafar Mauritania,wacce za ta nemi a nata bangaren nasara a tattaki da za ta yi zuwa Bangui ranar Talata makon sama.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI