PSG ta samu koma baya bayan yin kunnen doki da Valencienne da ci 1-1

Dan wasan PSG da na Evian a gasar Faransa REUTERS/Robert Pratta

Kungiyar kwallon kafar Valencienne ta rike Paris Saint Germain a gida da ci 1-1 wanda hakan ya kara jinkirta burin PSG na lashe kofin gasar Faransa na Ligue 1.

Wannan wasa ya sa tazarar makin da PSG ke da shi a teburin gasar ya koma zuwa bakwai a yayin da ya rage mata wasannin uku kamin a kammala gasar.

Sauran sakamakon wasannin gasar na nuna cewa Montpellier ta doke Brest da ci 2-1, sannan Saint Etienne da Bordaux sun tashi babu ci ko daya a yayin da
Lyon ta doke Nancy da ci 3-0 kana Marseille ta doke Bastia da ci 2-1.