Isa ga babban shafi
Lafiya

Hukumar Lafiya ta Duniya ta tara kudi don yakar coronavirus

Alurar yaki da covid 19
Alurar yaki da covid 19 The Russian Direct Investment Fund (RDIF)/Handout via REUTERS
Zubin rubutu: Abdoulaye Issa
Minti 2

Hukumar Lafiya ta Duniya WHO ta sanar da tara kudin da yawansu ya kai dala miliyan 700, wanda ke matsayin kusan rabin kudin da ta ke fatan harhadawa don yakar annobar cutar coronavirus da kuma samar da magani ko allurai ga ilahirin kasashen Duniya.

Talla

Daraktan sashen kiwon lafiya bangaren Nahiyar Afrika, masu bayar da tallafi na kasashen Duniya ne suka samar da kudaden dala milyan 700, yana mai cewa duk da ya ke bai kai yawan kudin da hukumar ke nema ba, abin alfahari ne nasarar samun tattara adadin.

shirin COVAVAX hukumar ta WHO na son hada dala biliyan 2 da za yi amfani da su wajen sayen maganin da nufin wadata kasashe da shi ba tare da fifita ma’azurta akan matalauta ba.

A cewar Matshidiso Moeti daraktan na WHO a Afrika yanzu haka kasashen Afrika ciki har da Afrika ta kudu da Gabon da Namibia da kuma Equatorial Guinea sun aminta da bayar da kaso mai tsoka doga shirin na COVAVAX don samar da maganin cutar ta COVID-19.

Shirin na COVAVAX dai hadaka ne tsakanin katafaren kamfanin harhada magunguna na GAVI da WHO da kuma CEPI wanda zai samar da magungunan biliyan 2 don wadata Duniya.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.