កម្ពុជា ច្បាប់

កូវីដ១៩៖ ចាងហ្វាងTVFB ត្រូវប៉ូលីសចាប់ខ្លួន និងបញ្ជូនទៅតុលាការរឿងបទញុះញង់

គេហទំព័រហ្វេសប៊ុករបស់ TVFB
គេហទំព័រហ្វេសប៊ុករបស់ TVFB © FB

ស្នង​ការ​ប៉ូលីស​រាជធានី​ភ្នំពេញ លោក​ឧត្តម​សេនីយ៍​ឯក ស ថេត បាន​ថ្លែង​ប្រាប់​វិទ្យុ​បារាំង​អន្តរ​ជាតិ RFI នៅ​មុន​នេះ​បន្តិច​ថា លោក សុវណ្ណ រិទ្ធី ដែល​ជា​នាយក​នៃ​ការ​ផ្សាយ TVFB ត្រូវ​បាន​សមត្ថ​កិច្ច​ត្រៀម​បញ្ជូន​ទៅ​តុលាការ ពី​បទ​សង្ស័យ​ថា​បាន​ញុះ​ញង់​ឲ្យ​មាន​ចលាចល​ក្នុង​សង្គម​។ លោក សុវណ្ណ រិទ្ធី ដែល​ល្បី​ល្បាញ​ខាង​ផ្សាយ​បន្ត​ផ្ទាល់​ពី​ហេតុការណ៍​ផ្សេងៗ តាមហ្វេស​ប៊ុក ហើយ​មាន​អ្នក​ចូល​មើល​ច្រើន​នោះ ត្រូវ​បាន​សមត្ថ​កិច្ច​ប៉ូលីស​ចាប់​ខ្លួន​កាល​ពី​យប់​ថ្ងៃ​អង្គារ​ម្សិល​មិញ បន្ទាប់​ពី​បាន​ចុះ​ផ្សាយ​ព័ត៌មាន ដែល​សមត្ថកិច្ច​យល់​ថា​ជា​ព័ត៌មាន​ញុះញង់​ឲ្យ​មាន​ចលា​ចល តែ​មិន​បាន​លម្អិត​ច្បាស់​ថា​ជា​ព័ត៌មាន​អ្វី​ពិត​ប្រាកដ​នោះ​ទេ​។ ក៏​ប៉ុន្តែ តាម​បណ្តាញ​ហ្វេស​ប៊ុក​នានា ត្រូវ​បាន​គេ​ដឹង​ថា​លោក សុវណ្ណ រិទ្ធី បាន​បង្ហោះ​សារ​ទំនង​ឌឺដង នូវ​អ្វី​ដែល​ជា​ការ​ថ្លែង​របស់​លោក​នាយក​រដ្ឋ​មន្ត្រី ហ៊ុន សែន កាល​ពី​ម្សិល​មិញ​ជុំវិញ​បញ្ហា​កូវីដ​១៩​។

ផ្សាយពាណិជ្ជកម្ម

ពាក់ព័ន្ធនឹងការចាប់ខ្លួន លោក សុវណ្ណរិទ្ធី នៅពេលនេះ លោក ណុប វី នាយកប្រតិបត្តិនៃសមាគមសារព័ត៌មាន Cambodja បានលើកឡើងដែរថា គេគួរតែលើកយកច្បាប់ស្តីពីរបបសារព័ត៌មានយកមកអនុវត្ត។ តាមលោក ណុប វី អ្នកដែលរងការខូចខាតដោយសារតែការផ្សាយរបស់លោក សុវណ្ណ រិទ្ធី គួរតែធ្វើលិខិតសុំបំភ្លឺ ដាក់ទៅនិពន្ធនិយកដើម្បីឲ្យគាត់ធ្វើការកែតម្រូវស្របទៅតាមខ្លឹមសារច្បាប់ស្តីពីរបបសារព័ត៌មាន។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI