រឿងក្តីអ្នកកាសែត៖ តើគួរប្រើប្រាស់ក្រមព្រហ្មទណ្ឌ ឬ ច្បាប់ស្តីពីរបបសារព័ត៌មាន?

សំឡេង ១១:១២
ចាងហ្វាង TVFB លោក សុវណ្ណ រិទ្ធី ពេល​បញ្ជូន​ទៅ​ដល់​តុលាការ​ក្រុង​ភ្នំពេញ ថ្ងៃ​ទី​០៨​មេសា​ឆ្នាំ​២០២០
ចាងហ្វាង TVFB លោក សុវណ្ណ រិទ្ធី ពេល​បញ្ជូន​ទៅ​ដល់​តុលាការ​ក្រុង​ភ្នំពេញ ថ្ងៃ​ទី​០៨​មេសា​ឆ្នាំ​២០២០ © Siv Channa

តុលា​ការ​ក្រុង​ភ្នំពេញ​កាល​ពី​ម្សិល​មិញ​នេះ បាន​សម្រេច​ឃុំ​ខ្លួន​លោក សុវណ្ណ រិទ្ធី អគ្គ​នាយក​TVFB ជា​បណ្តោះ​អាសន្ន​នៅ​ក្នុង​ពន្ធនាគារ​រាជ​ធានី​ភ្នំពេញ (PJ) ពីបទ «ញុះ​ញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍»។ ការ​សម្រេច​នេះធ្វើ​ឡើង​ក្រោយ​ពី​លោក​សុវណ្ណ រិទ្ធី បាន​ដក​ស្រង់​សម្តី​របស់​លោក​នាយក​រដ្ឋ​មន្រ្តី​ហ៊ុន សែន ទៅ​ចុះ​ផ្សព្វ​ផ្សាយ​បន្ត​នៅ​លើ​គណី​ហ្វេស​ប៊ុក​របស់​ខ្លួន​។ អង្គ​ការ​ការពារ​អ្នក​កាសែត​ជាតិ និង​អន្តរ​ជាតិ​បាន​បញ្ចេញ​ប្រតិកម្ម​ទៅ​នឹង​ចំណាត់​ការ​លើ​អ្នក​កាសែត​នេះ​។ ពួក​គេ​ថា កំហុស​ឆ្គង​នេះ​ពុំ​គួរ​ដល់​ថ្នាក់​ចោទ​ប្រកាន់​តាម​ក្រម​ព្រហ្ម​ទណ្ឌ​នោះ​ទេ គឺ​គួរ​តែ​ប្រើ​ប្រាស់​ច្បាប់​ស្តី​ពី​របប​សារព័ត៌មាន​វិញ​។