លោក ហូ វណ្ឌី៖ ក្រោយកម្ពុជាប្រកាសរកមិនឃើញអ្នកឆ្លងកូវីដ-១៩ថ្មី ពលរដ្ឋខ្លះចាប់ផ្តើមចេញទៅលម្ហែកាយនៅតាមខេត្ត

សំឡេង ០៩:៤៩
លោក ហូ វណ្ឌី សហប្រធានក្រុមការងារវិស័យទេសចរណ៏ផ្នែកឯកជន
លោក ហូ វណ្ឌី សហប្រធានក្រុមការងារវិស័យទេសចរណ៏ផ្នែកឯកជន © RFI

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក ហូ វណ្ឌី អគ្គលេខាធិការសម្ព័ន្ធ​ទេសចរ​ណ៏ជាតិកម្ពុជា​​។ លោកហូ វណ្ឌី បាន​កត់​សម្គាល់​ឃើញ​ថា នា​ពេល​ប៉ុន្មាន​ថ្ងៃ​ចុង​ក្រោយ​នេះ ពោល គឺ​បន្ទាប់​ពី​ក្រសួង​សុខា​ភិបាល​កម្ពុជា​ប្រកាស​ពី​ការ​រក​មិន​ឃើញ​ពី​អ្នក​ឆ្លង​ជំងឺ​កូវីដ-១៩​ថ្មី ប្រជា​ពលរដ្ឋ​នៅ​តាម​ទីប្រជុំ​ជន ជា​ពិសេស​នៅ​រាជ​ធានី​ភ្នំពេញ បាន​ចាប់​ផ្តើម​ចេញ​ទៅ​លំហែ​កាយ​នៅ​តាម​បណ្តា​ខេត្ត​នានា​។ តាម​លោក ហូ វណ្ឌី នេះ​គឺ​ជា​សញ្ញា​ល្អ​នៃ​ការ​ងើប​ឡើង​វិញ​តិច​តួច​នៃ​ទេសចរណ៍​នៅ​ក្នុង​ស្រុក​។ ប៉ុន្តែ លោក​ក៏​បាន​ស្នើ​ឱ្យ​ប្រជា​ពលរដ្ឋ​ទាំង​អស់ ត្រូវ​តាម​ដាន និង ធ្វើ​តាម​ការ​ណែ​នាំ​របស់​ក្រសួង​សុខា​ភិបាល ដើម្បី​ជៀស​ផុត​ពី​ការ​ឆ្លង​ជំងឺ​កូវីដ-១៩​។