លោក សុខ សុវណ្ណវឌ្ឍនាសាប៊ុង៖ «ខ្ញុំសោកស្តាយដោយបាត់ឱកាសបំរើប្រជាជនតាមរបៀបនយោបាយបែបថ្មី»
ចុះផ្សាយនៅថ្ងៃ៖
ស្តាប់ - ០៧:៣៦
លោក សុខ សុវណ្ណវឌ្ឍនាសាប៊ុង ប្រធានគណបក្សខ្មែរក្រោក ត្រូវបានប្រមុខរដ្ឋស្តីទីលោក សាយ ឈុំ ដកតំណែងចេញពីសមាជិកនៃឧត្តមក្រុមប្រឹក្សាពិគ្រោះ និងផ្តល់យោបល់ ដែលមានឋានៈស្មើទេសរដ្ឋមន្ត្រី។ នៅក្នុងព្រះរាជក្រឹត្យ ចុះថ្ងៃទី៤ខែឧសភានេះ គេមិនឃើញមានបញ្ជាក់ថាប្រធានគណបក្សរូបនេះមានកំហុសអ្វីនោះទេ។ ក៏ប៉ុន្តែនៅថ្ងៃនេះដែរ លោក សុខ សុវណ្ណវឌ្ឍនាសាប៊ុង បានសរសេរនៅលើហ្វេសប៊ុករបស់លោកថា រយៈពេល៣ថ្ងៃកន្លងទៅ លោកបានចុះបេសកម្មពិនិត្យភាពមិនប្រក្រតី ការបំពានអំណាច និងធ្វើបាបប្រជាពលរដ្ឋ យកដីធ្លី ចាប់ដាក់ពន្ធនាគារជាដើមសរុបចំនួន៨ករណីនៅខេត្តព្រះសីហនុ។ ទោះយ៉ាងណាប្រធានបក្សរូបនេះ មិនបានបញ្ជាក់ថាមកពីមូលហេតុអ្វីពិតប្រាកដនោះទេ ហើយលោកអះអាងថា នឹងបន្តការងាររបស់លោកបំរើប្រជាជនបន្តទៀតក្នុងនាមប្រធានគណៈបក្សនយោបាយមួយ។
