កម្ពុជា សង្គម

លោក កឹម សុខា ចូលរួមគោរពវិញ្ញាណក្ខន្ធម្តាយក្មេក លោក ហ៊ុន សែន

ជំនួបរវាង លោក កឹម សុខា និង លោក ហ៊ុន សែន ក្នុងពិធីគោរពវិញ្ញាណក្ខន្ធ
ជំនួបរវាង លោក កឹម សុខា និង លោក ហ៊ុន សែន ក្នុងពិធីគោរពវិញ្ញាណក្ខន្ធ © FB

លោក កឹម សុខា ប្រធាននៃអតីតគណបក្សសង្រ្គោះជាតិបានដឹកនាំសមាជិកមួយចំនួនទៅគោរពវិញ្ញា​ណក្ខន្ធ ឧបាសិកា ប៊ុន ស៊ាងលី ម្តាយក្មេកលោកនាយករដ្ឋមន្រ្តី  ហ៊ុន សែន នៅល្ងាចថ្ងៃទី០៥ ខែឧសភានេះ។ លោក ផែង ហេង សហមេធាវីការពារ​ក្តី លោក កឹម សុខា ថ្លែងប្រាប់​វិទ្យុ​បារាំង​អន្តរជាតិ​RFIនៅប៉ុន្មាននាទីមុននេះថា ការចូលរួមរបស់ប្រធានគណបក្សប្រឆាំងរូបនេះធ្វើ​ឡើង​ក្នុងនាមជាខ្មែរដូចគ្នា គឺ«មិន​យក​ខ្មែរ​ណាជាសត្រូវ»។