កម្ពុជា សង្គម

លោក ហេង សួរ៖ ការបែរមកផលិតសម្ភារៈវជ្ជសាស្រ្តរបស់រោងចក្រខ្លះ អាចរក្សាការងារជិត១០ម៉ឺនកន្លែង

លោក ហេង សួរ អ្នកនាំពាក្យក្រសួងការងារ និង បណ្តុះបណ្តាលវិជ្ជាជីវៈ
លោក ហេង សួរ អ្នកនាំពាក្យក្រសួងការងារ និង បណ្តុះបណ្តាលវិជ្ជាជីវៈ © Internet

សមាគម​រោងចក្រ​កាត់ដេរ​នៅ​កម្ពុជាហៅ​កាត់​ថា​(GMAC)​បាន​ប្រាប់​សារព័ត៌មាន​ក្នុង​ស្រុក​មួយ​កាល​ពី​ម្សិល​មិញ​ថា រោង​ចក្រ​កាត់ដេរ​មួយ​ចំនួន​នៅ​ក្នុង​ប្រទេស​កម្ពុជា​បាន​សម្រេច​ងាក​មក​ផលិត​ម៉ាស និង សម្ភារៈ​ពេទ្យ ព្រោះ​តែ​ការ​រីក​រាល​ដាល​នៃ​ជំងឺ​កូវីដ-១៩​។ ចំពោះ​ការ​ផ្លាស់​ប្តូរ​នេះ មេ​សហជីព​នៅ​កម្ពុជា​យល់​ថា វា​គ្រាន់​តែ​ជា​ការ​ផ្លាស់​ប្តូរ​មួយ​រយៈ​ពេល​ខ្លី​ក្នុង​ពេល​មាន​វិបត្តិ​ជំងឺ​កូវីដ-១៩នេះ​តែ​ប៉ុណ្ណោះ ហើយ​នៅ​ពេល​ស្ថាន​ភាព​ស្ងប់​ស្ងាត់ រោង​ចក្រ​ទាំង​នោះ​នឹង​វិល​មក​ផលិត​សម្លៀក​បំពាក់​ជា​ធម្មតា​ឡើង​វិញ​។ ទោះ​យ៉ាង​ណា​ក៏​ដោយ លោក​ហេង សួរ អ្នក​នាំ​ពាក្យ​ក្រសួង​ការងារ និង បណ្តុះ​បណ្តាល​វិជ្ជា​ជីវៈបាន​ស្វាគមន៍​ចំពោះ​ការ​សម្រេច​នេះ​ហើយ​ថា វា​នឹង​ជួយ​រក្សា​ការងារ​ដល់​កម្មករ កម្មការិនី​ជិត​១០​ម៉ឺន​កន្លែង​។