កម្ពុជា សេដ្ឋកិច្ច

GMACទាត់ចោលការចុះផ្សាយកាសែតជប៉ុន និងថា មិនទាន់ទទួលបានការឆ្លើយតបពីអឺរ៉ុបរឿងស្នើពន្យារការព្យួរEBA

ទង់ជាតិកម្ពុជា និងទង់ជាតិសហភាពអឺរ៉ុប (រូបភាពតំណាង)
ទង់ជាតិកម្ពុជា និងទង់ជាតិសហភាពអឺរ៉ុប (រូបភាពតំណាង) @Internet

លោកកាំង ម៉ូនីកា អគ្គលេខាធិការ​រង​នៃ​សមាគម​រោងចក្រ​កាត់ដេរ​នៅ​កម្ពុជា​(GMAC)នៅព្រឹកថ្ងៃចន្ទនេះ បានទាត់ចោ​ល​ការចុះផ្សាយរបស់កាសែត Nikkei Asian Review របស់​​ជប៉ុនដែលបានសរសេរថា គណៈកម្មការអឺរ៉ុបនឹងមិនព្រមផ្លាស់ប្តូរការសម្រេចចិត្តរបស់ខ្លួ​នក្នុងការព្យួរផ្នែកខ្លះនៃប្រព័ន្ធអនុគ្រោះEBAពីកម្ពុជាឡើយ។ សម្រាប់លោកកាំង ម៉ូនីកា ការចុះផ្សាយរបស់កាសែតជប៉ុននេះ គឺមិនមានព័ត៌មានគ្រប់ជ្រុងជ្រោយ ហើយធ្វើការសន្និដ្ឋានដោយខ្លួនឯងតែម្តង ដែ​ល​មិនអាចទទួលយកបានឡើយ។ ជាមួយគ្នានេះ លោកកាំង ម៉ូនីកា បានគូសបញ្ជាក់ថា ការឆ្លើយណាមួយរបស់គណៈអឺរ៉ុប គឺទាល់តែធ្វើដោយផ្ទាល់ទើបអាចយកជាការបាន ហើយមកដល់ពេលនេះ ​សមាគម​រោងចក្រ​កាត់ដេរ​នៅ​កម្ពុជា​(GMAC)មិនទាន់ទទួលបានការឆ្លើយតបផ្លូវណាមួយនៅឡើយទេ។

ផ្សាយពាណិជ្ជកម្ម

សូមស្ដាប់ប្រសាសន៍របស់ លោកកាំង ម៉ូនីកា៖

សូមបញ្ជាក់ថា កាលពីថ្ងៃទី០២ ខែមិថុនាកន្លងទៅ សមាគម​រោងចក្រ​កាត់ដេរ​កម្ពុជា ​(GMAC) សមាគម​ស្បែកជើង​កម្ពុជា​ (CFA) និង​សភាពាណិជ្ជកម្ម​អឺរ៉ុប​នៅ​កម្ពុជា (EuroCham) បានរួមគ្នាធ្វើសំណើទៅកាន់គណៈកម្មការអឺរ៉ុប ដើម្បីស្នើសុំពន្យារ​ពេល១២ ​ខែ​​ក្នុងការដក​ផ្នែកខ្លះនៃប្រព័ន្ធអនុគ្រោះEBAពីកម្ពុជា។ ការស្នើសុំនេះ គឺដើម្បីជួយសង្រ្គោះដល់ដំណើរការរោងចក្រ និង ការងាររបស់កម្មករ កម្មការីនីខ្មែរដែលបានរងគ្រោះដោយសារតែការរីករាលដាលនៃជំងឺកូវីដ ១៩។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI