អានតួអត្ថបទ
កម្ពុជា សង្គម

លោក ហ៊ុន សែន៖ ការអនុញ្ញាតឲ្យឈប់សម្រាកសងចូលឆ្នាំនៅខែសីហា គឺទុកពេលវេលារៀបចំរចនាសម្ព័ន្ធ និងប្រព័ន្ធសុខភាព

លោកនាយករដ្ឋមន្ត្រី ហ៊ុន សែន
លោកនាយករដ្ឋមន្ត្រី ហ៊ុន សែន © សហការី
ដោយ៖ ញឹម សុផល
1 នាទី

នៅ​ក្នុង​ពិធី​សំណេះ​សំណាល​ជាមួយ​កសិករ​នៅ​ស្រុក​ពាមរក៍ ​ខេត្តព្រៃវែង ​នា​ព្រឹក​ថ្ងៃ​អង្គារ​នេះ ​លោក​នាយក​រដ្ឋមន្ត្រី​ ហ៊ុន សែន ​បាន​ប្រកាស​ជា​ផ្លូវ​ការ​ថា​ លោក​នឹង​អនុញ្ញាត​ឲ្យ​មន្ត្រី​ រាជការ​ កម្មករ​ និយោជិត​ ​បាន​ឈប់​សម្រាក​រយៈ​ពេល​៥​ថ្ងៃ ​គឺ​ចាប់​ពី​ថ្ងៃ​ទី​១៧ ​ដល់​ថ្ងៃ​ទី​២១​ខែ​សីហា​ឆ្នាំ​២០២០​នេះ។​ ការ​អនុញ្ញាត​ឲ្យ​អ្នក​រាជការ​សាធារណៈ​ កម្មករ​និយោជិត​ បាន​ឈប់​សម្រាក​រយៈ​ពេល​៥​ថ្ងៃ​នេះ​ គឺ​ជា​ការ​ប៉ះ​ប៉ូវ​សង​វិញ​ ខណៈ​ដែល​ កាល​ពី​ចូល​ឆ្នាំ​ខ្មែរ​នៅ​ខែ​មេសា​កន្លងទៅ​ មន្ត្រី​រាជការ​ កម្មករ​និយោជិត​ មិន​ត្រូវ​បាន​អនុញ្ញាត​ឲ្យ​ឈប់​សម្រាក​នោះ​ទេ​ ដោយសារ​តែ​ការ​បារម្ភ ​និង​ជា​ការ​ទប់ស្កាត់​ការ​ឆ្លង​មេរោគ​កូវីដ​១៩។​ លោក ​ហ៊ុន សែន ​បញ្ជាក់​ថា​ការ​ជ្រើសរើស​ពេលវេលា​ឈប់​សម្រាក ​នៅ​ចុង​ខែ​ក្រោយ​ដូច្នេះ ​គឺ​ជា​ការ​ទុក​ពេលវេលា​ឲ្យ​ក្រសួង​សុខាភិបាល​ ម្ចាស់​សណ្ឋាគារ​ ផ្ទះសំណាក់​ ជា​ដើម​ រៀបចំ​រចនាសម្ព័ន្ធ​ និង​ប្រព័ន្ធ​ការពារ​សុវត្ថិភាព​សុខាភិបាល​ជាមុន​។

ផ្សាយពាណិជ្ជកម្ម

សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ