អានតួអត្ថបទ
កម្ពុជា សង្គម

លោក ស ខេង ស្នើឲ្យរដ្ឋមន្ត្រីយុត្តិធម៌ពន្លឿនសំណុំរឿងកកស្ទះ ដែលមានមនុស្សនៅក្នុងឃុំ

ការធ្វើតេស្តស្ទង់កម្ដៅនៅក្នុងពន្ធនាគារ
ការធ្វើតេស្តស្ទង់កម្ដៅនៅក្នុងពន្ធនាគារ © សហការី
ដោយ៖ ញឹម សុផល
១១ នាទី

នៅ​ក្នុង​ពិធី​ផ្ទេរ​តំណែង​អគ្គនាយក​នៃ​អគ្គនាយកដ្ឋាន​ពន្ធនាគារ​ នា​រសៀល​ថ្ងៃ​ចន្ទ​នេះ​ នៅ​ក្រសួង​មហាផ្ទៃ​ លោក​ឧបនាយក​រដ្ឋមន្ត្រី​ ស ខេង រដ្ឋមន្ត្រី​ក្រសួង​មហាផ្ទៃ​ បាន​សម្តែង​ក្តី​កង្វល់​ចំពោះ​កំណើន​អ្នក​ជាប់​ឃុំ​ ដែល​មាន​ការ​ចង្អៀត​ណែន​ ដោយ​បច្ចុប្បន្ន​នេះ​ មាន​អ្នក​ជាប់​ឃុំ​ទូទាំង​ប្រទេស​ចំនួន​ជិត​៤​ម៉ឺន​នាក់​ ក្នុង​នោះ​ជាង​១​ម៉ឺន​នាក់​នៅ​ភ្នំពេញ​។ លោក​ថា​ចំនួន​អ្នក​ជាប់​ឃុំ ​ដែល​កើន​យ៉ាង​គំហុក​ មិន​សមស្រប​តាម​ស្តង់ដារ​មន្ទីរ​ឃុំឃាំង​ គឺ​ភាគ​ច្រើន​បណ្តាល​មក​ពី​ករណី​គ្រឿងញៀន​។ លោក ស ខេង ក៏​បាន​បញ្ជាក់​ដែរ​ថា​ កម្ពុជា​មិន​អាច​ធ្វើ​ដូច​ហ្វីលីពីន​បាន​ទេ​ ដែល​ហ្វីលីពីន​បាន​ដោះលែង​អ្នក​ទោស​ ដោយ​បារម្ភ​ពី​បញ្ហា​ឆ្លង​រាលដាល​កូវីដ​១៩​។ ជុំវិញ​សំណុំ​រឿង​កក​ស្ទះ​ដែរ​ លោក​ឧបនាយក​រដ្ឋមន្ត្រី​ ក៏​បាន​ជម្រុញ​ឲ្យ​រដ្ឋមន្ត្រី​ក្រសួង​យុត្តិធម៌​ចាត់​ទុក​សំណុំ​រឿង​ ដែល​មាន​មនុស្ស​នៅ​ក្នុង​ឃុំ​ជា​សំណុំ​រឿង​អាទិភាព​ដែល​ត្រូវ​ពន្លឿន​ការ​ដោះ​ស្រាយ​មុន​សំណុំ​ដែល​មាន​មនុស្ស​នៅ​ក្រៅ​ឃុំ​។

ផ្សាយពាណិជ្ជកម្ម

សូមស្តាប់ប្រសាសន៍លោក ស ខេង រៀបចំដោយ ញឹម សុផល៖

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ