អានតួអត្ថបទ
កម្ពុជា សង្គម

កំពស់ទឹកបឹងទន្លេសាបជាង២ទសវត្សរ៍ចុងក្រោយទាបជាងកំរិតមធ្យមភាគ

លោក ម៉ៅ ហាក់ អនុប្រធានអាជ្ញាធរទន្លេសាប
លោក ម៉ៅ ហាក់ អនុប្រធានអាជ្ញាធរទន្លេសាប © FB
ដោយ៖ ញឹម សុផល
១២ នាទី

កំពស់​ទឹក​បឹង​ទន្លេសាប​រយៈពេល​ជាង​១០​ ឆ្នាំ​ចុងក្រោយ​នេះ​ ត្រូវ​បាន​គេ​កត់​សម្គាល់​ថា​មាន​ស្ថានភាព​ទាប​ជាង​ប្រក្រតី​។ នៅ​ក្នុង​សន្និសីទ​កាសែត​ ដែល​រៀប​ចំ​ឡើង​ដោយ​អង្គភាព​អ្នក​នាំពាក្យ​រដ្ឋាភិបាល​នា​ព្រឹក​ថ្ងៃ​អង្គារ​នេះ​ ស្តីពី​ស្ថានភាព​របប​ជលសាស្ត្រ​ក្នុង​អាង​ទន្លេ​មេគង្គ​ និង​ទន្លេ​សាប​នា​ពេល​បច្ចុប្បន្ន​ លោក​ ម៉ៅ ​ហាក់​ អនុ​ប្រធាន​អាជ្ញាធរ​ទន្លេសាប​ បាន​លើក​ឡើង​ថា​កំពស់​ទឹក​បឹង​ទន្លេសាប​ចាប់​ពី​ឆ្នាំ​១៩៩៦​ ដល់​ឆ្នាំ​២០១០​ គិត​ជា​មធ្យម​គឺ​ខ្ពស់​ជាង​មធ្យមភាគ​ដែល​បាន​កំណត់​។ ក្នុង​រយៈពេល​១០​ឆ្នាំ​ គឺ​ចាប់​ពី​ឆ្នាំ​២០០១​ ដល់​ឆ្នាំ​២០១០​ កំពស់​ទឹក​បឹង​ទន្លេសាប​មាន​ប្រហាក់​ប្រហែល​នឹង​មធ្យម​ភាគ​។ ក៏​ប៉ុន្តែ​កំពស់​ទឹក​១០​ឆ្នាំ​ចុង​ក្រោយ​ ចាប់​ពី​ឆ្នាំ​២០១១​ មក​ដល់​បច្ចុប្បន្ន​ កំពស់​ទឹក​បឹង​ទន្លេសាប​ត្រូវ​បាន​គេ​គណនា​ឃើញ​ថា​ មាន​កំរិត​ទាប​ជាង​មធ្យម​ភាគ​។ លោក ម៉ៅ ហាក់ បាន​លើក​ពី​ហេតុផល​ដែល​នាំ​ឲ្យ​ទឹក​បឹង​ទន្លេសាប​ទាប​ជាង​មធ្យម​ថា​ បណ្តាល​មក​ពី​កត្តា​មួយ​ចំនួន​ដូចជា​ កំរិត​ទឹក​ភ្លៀង​នៅ​អាង​មេគង្គ​ធ្លាក់​មក​យឺត​ ការ​អភិវឌ្ឍ​ហេដ្ឋារចនាសម្ព័ន្ធ​ ទឹកភ្លៀង​តិច​ ភាព​រាំង​ស្ងួត​ជាប់ៗគ្នា​ សីតុណ្ហភាព​ឡើង​កំដៅ​ជា​ដើម​។

ផ្សាយពាណិជ្ជកម្ម

សូមស្តាប់ប្រសាសន៍លោក ម៉ៅ ហាក់ រៀបចំដោយ ញឹម សុផល៖

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ