មនុស្ស៥នាក់ស្លាប់ និង ៥នាក់ទៀតរបួស ដោយសារបាក់ដងស្ទូច នៅប៉ោយប៉ែត

មនុស្ស ៥នាក់បានស្លាប់ និង ៥នាក់ផ្សេងទៀត បានរងរបួសធ្ងន់ ក្នុងហេតុការណ៍បាក់ដងសន្ទូច សង្កត់ប្រជាពលរដ្ឋ ក្នុងការដ្ឋានសំណង់អគារមួយកន្លែង នៅ​ក្រុងប៉ោយប៉ែត ខេត្តបន្ទាយមានជ័យ នៅរសៀល ថ្ងៃទី១២ ខែសីហានេះ។ នេះបើតាមសេចក្តីរាយការណ៍ពីអាជ្ញាធរ​ក្នុង​តំបន់​ ដោយ​បញ្ជាក់ថា ហេតុការណ៍នេះ កើតឡើងដោយ​សារ​ ដងស្ទូចដុំបន្ទះបេតុង ប្រវែងប្រមាណ៤០ម៉ែត្រ បានផ្អៀង និង​រលំ​បន្ទះដុំបេតុង​ដែលកំពុងស្ទួច​ទំហំ​ប្រមាណ ៤ម៉ែត្រ ៤ជ្រុង ធ្លាក់មក​បណ្តាល​ឲ្យ​សង្កត់លើ​ពលរដ្ឋ​ដែលកំពុង​អង្គុយ​នៅ​ក្បែរ​ការដ្ឋាន​សាងសង់​ របស់​ក្រុមហ៊ុន ដឹផាកស៊ីធីនោះ។