អានតួអត្ថបទ
កម្ពុជា សង្គម

ជនសង្ស័យជនជាតិចិនម្នាក់ និងជនជាតិថៃម្នាក់ត្រូវបានឃាត់ខ្លួនក្រោយផ្ទុះអាវុធបង្ក្រាបគ្រឿងញៀននៅកោះពេជ្រ

លោក មាស វីរិទ្ធ អគ្គលេខាធិការ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន
លោក មាស វីរិទ្ធ អគ្គលេខាធិការ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន © FB/អគ្គលេខាធិការ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន
ដោយ៖ ញឹម សុផល
១៣ នាទី

កម្លាំង​សមត្ថកិច្ច​នៃ​មន្ទីរ​ប្រឆាំង​គ្រឿងញៀន​ក្រសួង​មហាផ្ទៃ​នៅ​ព្រឹក​ថ្ងៃ​ព្រហស្បតិ៍​នេះ​ កំពុង​បើក​ការ​ស៊ើបអង្កេត​នៅ​ក្នុង​អាគារ​ខ្ពស់​មួយ​ស្ថិត​នៅក្នុង​តំបន់​កម្សាន្ត​កោះពេជ្រ​ បន្ទាប់​ពី​មាន​ការ​ផ្ទុះ​អាវុធ​ដាក់​គ្នា​រវាង​កងកម្លាំង​និង​ជន​សង្ស័យ​ជួញ​ដូរ​គ្រឿងញៀន​កាល​ពី​យប់​ថ្ងៃ​ពុធ​ម្សិលមិញ​។ នាយ​ឧត្តមសេនីយ៍​ មាស វីរិទ្ធ អគ្គលេខាធិការ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ បាន​ប្រាប់​វិទ្យុ​បារាំង​អន្តរជាតិ​ RFI​ នៅ​ថ្ងៃ​នេះ​ថា​ ប្រតិបត្តិ​ការ​បង្ក្រាប​ឧក្រិដ្ឋជន​ជួញដូរ​គ្រឿងញៀន​នេះ​ សមត្ថកិច្ច​បាន​ចាប់​ខ្លួន​ជន​សង្ស័យ​ចំនួន​២​នាក់​ក្នុង​នោះ​មាន​បុរស​ជា​ជនជាតិ​ចិន​ម្នាក់​ និង​ស្រ្តី​ជនជាតិ​ថៃ​ម្នាក់​។ លោក​ថា​ សមត្ថកិច្ច​កំពុង​បន្ត​ស្រាវជ្រាវ​រក​ជន​សង្ស័យ​ដែល​ពាក់ព័ន្ធ​ផ្សេង​ទៀត​ រួម​នឹង​ធ្វើ​ការ​ឆែកឆេរ​តាម​រយៈ​កាម៉េរ៉ា​សុវត្ថិភាព​ផង​ដែរ​។

ផ្សាយពាណិជ្ជកម្ម

សូមស្តាប់ប្រសាសន៍លោក មាស វីរិទ្ធ រៀបចំដោយ ញឹម សុផល៖

សូមរំលឹកថា កាលពីដើមខែសីហាកន្លងទៅនេះ សមត្ថកិច្ចកម្ពុជា ចាប់បានគ្រឿងញៀនជាបន្តបន្ទាប់ជាច្រើនរយគីឡូក្រាម និងសារធាតុគីមីសម្រាប់ផលិតគ្រឿងញៀនជាច្រើនតោន នៅក្នុងភូមិសាស្ត្ររាជធានីភ្នំពេញ និងនៅតាមបណ្តាខេត្តមួយចំនួន។ ទោះយ៉ាងណា ការបង្ក្រាបជនសង្ស័យជួញដូរគ្រឿងញៀននៅកោះពេជ្រពេលនេះ នៅមិនទាន់មានការបញ្ជាក់ណាមួយថា ករណីនេះបានជាប់ពាក់ព័ន្ធនឹងករណីចាប់បានគ្រឿងញៀនជាច្រើនរយគីឡូក្រាមមុននេះ ឬយ៉ាងណានៅឡើយទេ។ សូមបញ្ជាក់ដែរថា ការជួញដូរគ្រឿងញៀនជាទ្រង់ទ្រាយធំ បានលេចឡើងកាន់តែច្រើនឆ្លងកាត់ប្រទេសកម្ពុជា ខណៈប្រទេសនេះ ក៏ដូចជាពិភពលោកកំពុងជាប់ដៃប្រយុទ្ធនឹងការរាតត្បាតនៃវីរុសកូវីដ១៩។

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ