ព្រឹត្តិការណ៍​កម្ពុជា​ប្រចាំថ្ងៃ

នៅចន្លោះរវាងអាមេរិក និងចិន៖ តើកម្ពុជាកំពុងដើរផ្ទុយពីមាគ៌ាអាស៊ានឬ?

សំឡេង ១២:៣៦
រដ្ឋមន្ត្រីការបរទេសចិន លោក វ៉ាង យី នៅក្នុងកិច្ចប្រជុំរដ្ឋមន្ត្រីការបរទេសអាស៊ាន ដែលធ្វើឡើងតាមប្រព័ន្ធវីដេអូ កាលពីថ្ងៃទី៩ ខែកញ្ញា
រដ្ឋមន្ត្រីការបរទេសចិន លោក វ៉ាង យី នៅក្នុងកិច្ចប្រជុំរដ្ឋមន្ត្រីការបរទេសអាស៊ាន ដែលធ្វើឡើងតាមប្រព័ន្ធវីដេអូ កាលពីថ្ងៃទី៩ ខែកញ្ញា AP

នៅ​ក្នុង​កិច្ច​ប្រជុំ​រដ្ឋ​មន្រ្តី​ការបរទេស​អាស៊ាន​លើកទី​៥៣​កាល​ពី​ថ្ងៃទី០៩ ខែ​កញ្ញា លោក​ឧបនាយក​រដ្ឋ​មន្ត្រី​ប្រាក់ សុខុន រដ្ឋ​មន្រ្តី​កម្ពុជា​បាន​ថ្លែង​ប្រាប់​សមភាគី​របស់​លោក​ថា នៅ​ក្នុង​ភាពតាន​តឹង​ប្រឈម​ដាក់​គ្នា​រវាង​មហា​អំណាច និង​ការដើរ​ថយ​ក្រោយ​ពហុភាគី​និយម គឺ​អាស៊ាន​មិន​មាន​ចំណាប់​អារម្មណ៍​ក្នុង​ការកាន់​ជើង​ភាគី​ណា​មួយ​ទេ ពោល គឺ​អាស៊ាន​ត្រូវ​ប្រកាន់​ខ្ជាប់​យ៉ាង​រឹងមាំ​នូវ​ស្មារតី​នៃ​ការ​ឯកភាព និង​មជ្ឈភាព​អាស៊ាន ដើម្បី​អនុវត្ត​នូវ​គោល​ការណ៍«មាគ៌ាអាស៊ាន»។ ប៉ុ​ន្តែ បើ​ក្រឡេក​មើល​ជាក់​ស្តែង​នាពេល​បច្ចុប្បន្ន​នេះ គេ​សង្កេត​ឃើញ​ថា កម្ពុជា​ហាក់​ដូច​ជា​មាន​ទំនោរ និង​គាំទ្រ​ខ្លាំង​ទៅខាង​ប្រទេសចិន​ជាង​សហរដ្ឋ​អាមេរិក​ដែល​តែងតែ​មាន​បញ្ហា​រកាំរកូស​ជា​មួយ​គ្នា​ជា​រើយៗ​។ តើនេះ​ អាច​បញ្ជាក់​ថា កម្ពុជា​កំពុង​ដើរ​ផ្ទុយ​ពី​មាគ៌ាអាស៊ាន​រវាង​មហា​អំណាច​អាមេរិក និង​ចិនឬ​?