ព្រឹត្តិការណ៍​កម្ពុជា​ប្រចាំថ្ងៃ

តើពេលណាទើបជម្លោះដីធ្លីនៅកម្ពុជាអាចបិទបញ្ចប់ទាំងស្រុង?

សំឡេង ១២:០២
ប្រជាពលរដ្ឋធ្វើការតវ៉ាជុំវិញជម្លោះដីធ្លី នៅមុខក្រសួងដែនដី
ប្រជាពលរដ្ឋធ្វើការតវ៉ាជុំវិញជម្លោះដីធ្លី នៅមុខក្រសួងដែនដី © FB

ការទទូចទាមទារឲ្យរដ្ឋាភិបាលដោះស្រាយបញ្ហាដីធ្លីបានងើបឡើងវិញ កាលពីរថ្ងៃមុននៅមុខក្រសួងដែ​ន​ដី​នៅ​ថ្ងៃ​២១​កញ្ញា​​ ក្នុងឱកាស​ទិវា​សន្តិភាព​អន្តរជាតិ​លើក​ទី​៧៥។ ក្នុងនោះក្រុមប្រជាកសិករដែលមានគ្នាប្រ​មាណជាង១ពាន់នាក់មកពីតាមបណ្តាខេត្តមួយចំនួនរួមមាន៖ កោះកុង ត្បូងឃ្មុំ ស្វាយរៀង តំណាងឲ្យប្រជាពលរដ្ឋ៧០៩៩គ្រួសារ អះអាងថា កំពុងមានទំនាស់ដីធ្លីរាំរ៉ៃលើទំហំដីជាង១ម៉ឺន២ពាន់ហិកតាជាមួយក្រុមហ៊ុនឯកជន ដែលទទួលបានសិទ្ធិវិនិយោគពីរដ្ឋ។ ចំពោះខេត្តកោះកុង ក្រសួងដែនដីមិនទទួលដោះស្រាយឡើយ ដោយសារជម្លោះខ្លះបានដោះស្រាយរួចហើយ ហើយក្រុមពលរដ្ឋខ្លះទៀតមិនស្ថិតក្នុងក្រុមរងផលប៉ះពាល់។