ភ្ញៀវប្រចាំថ្ងៃ
លោក ឡុង កុសល៖ ការទិញលក់ដីធ្លីនៅក្នុងតំបន់បេតិកភណ្ឌអង្គរគឺជាទង្វើខុសច្បាប់
ចុះផ្សាយនៅថ្ងៃ៖
ស្តាប់ - ០៩:០២
មួយរយៈពេលចុងក្រោយនេះ មានបុគ្គលមួយចំនួនបានប្រកាសលក់ ទិញដីធ្លីជាសាធារណៈនៅក្នុងតំបន់រមនីយដ្ឋានបេតិកភណ្ឌអង្គរ ដែលការប្រកាសទិញ លក់នេះ ត្រូវអាជ្ញាធរជាតិអប្សរាបញ្ជាក់ថាជាទង្វើខុសច្បាប់។ លោក ឡុង កុសល អ្នកនាំពាក្យអាជ្ញាធរជាតិអប្សរាថ្លែងថា បញ្ហាលក់ទិញ ដីធ្លី ឬការពុះដីឡូដ៏លក់នៅក្នុងតំបន់ការពារបេតិកភណ្ឌពិភពលោកអង្គរ គឺជាការឆ្លៀតឱកាសរបស់ជនឱកាសនិយមមួយចំនួន ដែលពួកគាត់សុទ្ធតែបានដឹងថាការលក់ទិញដីតំបន់នោះគឺជាការលក់ទិញខុសច្បាប់។ លោក ឡុង កុសល បញ្ជាក់ថាអ្នកទិញដីធ្លីនៅក្នុងតំបន់ហាមឃាត់នោះ នឹងក្លាយជាអ្នករងគ្រោះ ប្រសិនបើចាញ់បោកជនឆ្លៀតឱកាសទាំងនោះ។
