អានតួអត្ថបទ
កម្ពុជា-អង្គការសហប្រជាជាតិ

អគ្គលេខាធិការUNលើកឡើងពី សិទ្ធិមនុស្ស ការបំភិតបំភ័យ និងការសងសឹកនៅក្នុងប្រទេសកម្ពុជា

UN Secretary-General Antonio Guterres said the world "can overcome this challenge" as it marks one million deaths from Covid-19 globally
UN Secretary-General Antonio Guterres said the world "can overcome this challenge" as it marks one million deaths from Covid-19 globally UNITED NATIONS/AFP/File
ដោយ៖ ញឹម សុផល
១២ នាទី

​អគ្គលេខាធិការ​អង្គការសហប្រជាជាតិ​ ​លោក​Ant​on​i​o ​Gut​err​e​s ​នៅ​ថ្ងៃ​ទី​៣​០​ខែកញ្ញា​នេះ​ ​នឹង​លើកយក​របាយការណ៍​ស្តី​អំពី​ការ​បំភិតបំភ័យ​ប្រឆាំង​នឹង​អ្នក​ដែល​ចូលរួម​សហការ​ការងារ​ជាមួយ​អង្គការសហប្រជាជាតិ​នៅ​ក្នុង​ប្រទេស​ជាច្រើន​មក​និយាយ​ ​ក្នុង​នោះ​ក៏មាន​កម្ពុជា​ផង​ដែរ​។​ ​ក៏ប៉ុន្តែ​មន្ត្រី​សិទ្ធិមនុស្ស​ជាន់ខ្ពស់​រដ្ឋាភិបាល​កម្ពុជា​ ​បាន​ហៅ​របាយការណ៍​ដែល​ថ្លែង​ដោយ​អង្គការសហប្រជាជាតិ​នោះ​ថា​ ​ជា​របាយការណ៍​មិន​គ្រប់ជ្រុងជ្រោយ​ ​និង​បាន​មកពី​ការ​រាយការណ៍​តែ​ភាគី​ម្ខាង​។

ផ្សាយពាណិជ្ជកម្ម

តាមសេចក្តីប្រកាសរបស់អង្គការសហប្រជាជាតិ លោកអគ្គលេខាធិការ Antonio Guterres បានគូសបញ្ជាក់ពីការបំភិតបំភ័យ និងការសងសឹក ដែលបានធ្វើឡើងប្រឆាំងនឹងអ្នកដែលបានសហការជាមួយអង្គការសហប្រជាជាតិ តំណាង និងយន្តការរបស់ខ្លួន នៅក្នុងវិស័យសិទ្ធិមនុស្សនៅក្នុងប្រទេសកម្ពុជា។

នៅក្នុងរបាយការណ៍ជាច្រើនទំព័រ ហើយក្នុងនៅក៏មានរំលេចពីប្រទេសកម្ពុជាដែរនោះ លោក Antonio Guterres បានលើកទឹកចិត្តដល់រដ្ឋទាំងឡាយឲ្យសម្តែងជាសាធារណៈនូវការគាំទ្រដោយច្បាស់លាស់ចំពោះសិទ្ធិ និងការប្រាស្រ័យទាក់ទងទាំងអស់ជាមួយស្ថាប័នអន្តរជាតិដោយមិនមានការរារាំង។ លោកក៏អំពាវនាវផងដែរដល់រដ្ឋជាសមាជិកឲ្យយកចិត្តទុកដាក់លើមន្ត្រីសាធារណៈ និងតួអង្គរដ្ឋដទៃទៀតអំពីការសងសឹក និងការបំភិតបំភ័យ រួមទាំងតាមរយៈការបណ្តុះបណ្តាល និងចេញសេចក្តីណែនាំផ្ទៃក្នុង។

របាយការណ៍របស់ប្រមុខអង្គការសហប្រជាជាតិក៏បានរៀបរាប់ដែរ ពីការចូលទៅរំខានរបស់សមត្ថកិច្ចនៅកន្លែងរៀបចំប្រារព្ធពិធីជួបជុំ និងការបណ្តុះបណ្តាលជាដើមរបស់អ្នកធ្វើការសង្គមស៊ីវិល តាមរយៈការថតរូប និងការសួរនាំព័ត៌មានផ្សេងៗពីអ្នកចូលរួម ដែលសកម្មភាពទាំងនេះ ត្រូវបានធ្វើឡើងនៅតាមបណ្តាខេត្ត ក្រុងនានា ចាប់តាំងពីឆ្នាំ២០១៩មក។

បន្ថែមពីលើការឆ្លើយតបដូចកន្លងមកដែរ លោក ជិន ម៉ាលីន រដ្ឋលេខាធិការក្រសួងយុត្តិធម៌ និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាបញ្ជាក់ថា របាយការណ៍ ដែលអង្គការសហប្រជាជាតិលើកឡើងនេះ គឺផ្អែកតែទៅលើការផ្តល់ឲ្យដោយសង្គមស៊ីវិលនៅក្នុងប្រទេសកម្ពុជាតែម្ខាង មិនបានថ្លឹងថ្លែងឲ្យបានស៊ីជម្រៅ គ្រប់ជ្រុងជ្រោយ និងមិនបានផ្ទៀងផ្ទាត់ជាមួយសមត្ថកិច្ចពាក់ព័ន្ធឡើយ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ